69
Original:
Ha hólcy so na kwas hotowachu,
swoje sej koniki sedłowachu. *)
Swoje sej wotrohi připinachu,
do runoh’ pola so zjezdźowachu.
Rapaki wyše nich zlětowachu,
na nich tak žadławje rapachu.
Rapaki wyše nich zlětowachu,
wulke jim njezbože wěšćachu,
zo wšak jim nawožeń z konja padnje,
zo sebi šiju a hłowu zrazy.
Prěnje to hono tam přejědźechu,
z konja přec padźe jim nawoženja.
Z konja přec padźe jim nawoženja,
swoju sej šiju a hłowu zrazy.
Prěni króć zwony so zazwonichu,
njewjesta poča so swatow prašeć:
Hdźe maće mojeho nawoženju,
zo tudy nihdźe wón mjez wami njej’?
W nowej je komorje nawoženja,
swoju so hotuje linder**) drastu.
Druhi króć zwony so zazwonichu,
njewjesta poča so družkow prašeć:
Hdźe maće mojeho nawoženju,
zo tudy nihdźe wón mjez wami njej’?
W nowej je komorje nawoženja,
wón sebi swětły mječ připasuje.
Třeći króć zwony so zazwonichu,
njewjesta poča so braški prašeć:
Hdźe maće mojeho nawoženju,
zo tudy nihdźe wón mjez wami njej’?
Z konja je padnył twój nawoženja,
swoju sej šiju a hłowu zrazył.
Torhajće ze mnje tu linder drastu,
běłu tu płachtu mje wodźěwajće!
Zo budu žarować lětko a dźeń,
w zelenym wěnašku ke mši khodźić.
w zelenym wěnašku ke mši khodźić,
na mojoh’ lubeho nihdy zabyć.
40. Srbská reja.
(Z vlastních zápisek.)
Hornolužická.
*) Druhý verš nutno vždy opakovati.
**) Niederländisch, nizozemský.